စာဖတ်ချင်စိတ်တော့ ရှိတယ်... ဒါပေမယ့် စာအုပ်စင်ရှေ့ရောက်တဲ့အခါ (ဒါမှမဟုတ်) စာအုပ်တွေ ရွေးရတဲ့အခါ ဘယ်စာအုပ်ကနေ စဖတ်ရမလဲဆိုပြီး ရွေးရခက်နေတတ်တာ စာဖတ်သူတိုင်း ကြုံဖူးမယ့် ပြဿနာတစ်ခုပါ။
တကယ်တော့ စာအုပ်တစ်အုပ်ကို ရွေးချယ်တဲ့အခါ လူကြိုက်များတာကိုချည်း ရွေးတာထက် အခုလက်ရှိ ကိုယ်ဖြတ်သန်းနေရတဲ့ ဘဝအခြေအနေ၊ စိတ်ခံစားချက်တွေနဲ့ အကိုက်ညီဆုံး စာအုပ်ကို ရွေးချယ်နိုင်မှသာ စာဖတ်ရတဲ့ အရသာကို အပြည့်အဝ ခံစားရမှာဖြစ်ပါတယ်။
အတွေးတွေလွန်ပြီး စိတ်ရှုပ်နေတဲ့ အချိန်လား? အလုပ်တွေနဲ့ ဘဝကို ပိုပြီး စနစ်တကျ ဖြစ်ချင်နေတာလား? ဒါမှမဟုတ် အချစ်ဇာတ်လမ်းလေး တစ်ပုဒ်ထဲမှာပဲ ခဏလောက် နစ်မျောသွားချင်တာလား?
အခု ကိုယ်ကြုံတွေ့နေရတဲ့ အခြေအနေနဲ့ အလိုက်ဖက်ဆုံးဖြစ်မယ့် စာအုပ်ကို အောက်မှာ ဆက်ပြီး ရွေးကြည့်လိုက်ရအောင်။
၁။ အတွေးတွေ အရမ်းများပြီး စိတ်ပင်ပန်းနေပြီဆိုရင် — Stop Overthinking
ညဘက်ရောက်တိုင်း ခေါင်းထဲမှာ အတွေးတွေပိတ်ဆို့ပြီး အိပ်မပျော်တဲ့ညတွေ များနေပြီလား? တစ်ယောက်ယောက်က စာပြန်နောက်ကျတာကအစ ကိုယ်ပြောလိုက်တဲ့စကားများ မှားသွားလားဆိုပြီး အသေးအမွှားလေးကနေ အစချီလို့ မဖြစ်သေးတဲ့ အနာဂတ်အတွက်ပါ ကြိုပြီး ပူပန်နေတတ်ပြီဆိုရင်တော့ ကိုယ်တိုင်တောင် သတိမထားမိဘဲ အတွေးလွန်တဲ့ (Overthinking) ထောင်ချောက်ထဲ ရောက်နေပါပြီ။
ဒီလို အတွေးသံသရာထဲကနေ ရုန်းထွက်ချင်တယ်ဆိုရင်တော့ Nick Trenton ရေးသားထားတဲ့ “Stop Overthinking” စာအုပ်လေးက အကောင်းဆုံး ကူညီပေးနိုင်ပါတယ်။ ဒီစာအုပ်ထဲမှာ စိတ်ဖိစီးမှုတွေ၊ စိုးရိမ်ပူပန်မှုတွေကို ဘယ်လိုရင်ဆိုင်ရမလဲ၊ အတိတ်က နောင်တတွေနဲ့ အနာဂတ်အတွက် ကြိုတွေးပူနေတာတွေကို ရပ်တန့်ပြီး လက်ရှိ ပစ္စုပ္ပန်ကိုပဲ အာရုံစိုက်နိုင်ဖို့ လက်တွေ့ကျတဲ့ နည်းလမ်း (၂၃) ခုကို အသေးစိတ် ရှင်းပြပေးထားပါတယ်။
- စာရေးသူ: Nick Trenton
- စျေးနှုန်း: 116,000 MMK
- ဝယ်ယူရန်: Website တွင် အလွယ်တကူ ဝယ်ယူရန်
၂။ ချစ်လျက်နဲ့ နားလည်မှုတွေ လွဲနေတယ်ဆိုရင် — The 5 Love Languages
နှစ်ယောက်လုံးက ချစ်နေလျက်နဲ့ ဘာလို့ ခဏခဏ စိတ်ခုပြီး နားလည်မှုလွဲနေကြတာလဲ? ကိုယ်က သူ့အတွက် အချိန်တွေ အများကြီးပေးပြီး ဂရုစိုက်နေပေမယ့် သူကတော့ “ကိုယ် သူ့ကို မချစ်ဘူး၊ ဂရုမစိုက်ဘူး” လို့ ထင်နေတတ်ပါတယ်။ တကယ်တော့ ဒါက ချစ်တာ မလုံလောက်လို့ မဟုတ်ဘဲ တစ်ယောက်နဲ့ တစ်ယောက် အချစ်ကို ဖော်ပြတဲ့နည်းလမ်း (Love Language) မတူညီလို့ ဖြစ်ပါတယ်။
Dr. Gary Chapman ရေးသားထားတဲ့ “The 5 Love Languages” စာအုပ်မှာ လူတွေ အချစ်ကို ခံစားသိရှိတဲ့ နည်းလမ်း ၅ မျိုးအကြောင်းကို ရှင်းပြထားပါတယ်။ ကိုယ့်ချစ်သူရဲ့ Love Language ကို သိသွားတဲ့အခါ အလကားနေရင်း နားလည်မှုလွဲနေတာတွေ လျော့သွားပြီး Relationship က ပိုပြီး ခိုင်မာနွေးထွေးလာမှာ သေချာပါတယ်။
- စာရေးသူ: Gary Chapman
- စျေးနှုန်း: 160,000 MMK
- ဝယ်ယူရန်: Website တွင် အလွယ်တကူ ဝယ်ယူရန်
၃။ တစ်နေ့လုံး အလုပ်များပေမယ့် အရေးကြီးတာတွေ မပြီးဖြစ်ဘူးဆိုရင် — The 7 Habits of Highly Effective People
မနက်မိုးလင်းတာနဲ့ လုပ်စရာတွေက အစီအရီပဲ။ တစ်နေကုန်လည်း မနားရဘူး။ ဒါပေမယ့် နေ့ကုန်သွားတဲ့အခါ တကယ် အရေးကြီးတဲ့ အလုပ်တွေက မပြီးသေးဘဲ ကျန်ခဲ့ပြန်ရော။ ဒါဟာ အလုပ်တွေ အရမ်းများနေတာထက် ကိုယ့်ရဲ့ အချိန်နဲ့ ဘဝကို စနစ်တကျ မစီမံနိုင်သေးလို့ပါ။
ဒီပြဿနာကို ဖြေရှင်းဖို့ဆိုရင် ကမ္ဘာကျော် “The 7 Habits of Highly Effective People” စာအုပ်က အကောင်းဆုံး လမ်းညွှန်ပေးနိုင်ပါတယ်။ အလုပ်တွေ ပိုလုပ်ဖို့ မဟုတ်ဘဲ "ဘာကို ဦးစားပေးလုပ်သင့်လဲ"၊ ကိုယ့်ရဲ့ ပန်းတိုင်ကို ဘယ်လို ရှင်းရှင်းလင်းလင်း မြင်အောင်ကြည့်မလဲ ဆိုတာတွေကို အတွေးအခေါ်ပိုင်းကနေစပြီး လက်တွေ့ပြောင်းလဲနိုင်တဲ့အထိ ရေးသားထားပါတယ်။
- စာရေးသူ: Stephen R. Covey
- စျေးနှုန်း: 140,000 MMK
- ဝယ်ယူရန်: Website တွင် အလွယ်တကူ ဝယ်ယူရန်
၄။ လူတွေရဲ့ ဆက်ဆံပုံနဲ့ အာဏာသက်ရောက်မှုတွေကို နားလည်ချင်ရင် — The 48 Laws of Power
အလုပ်ကြိုးစားရုံ၊ တော်ရုံနဲ့ နေရာတစ်ခုရဖို့ မလုံလောက်ဘူးဆိုတာ လက်တွေ့ဘဝမှာ ကြုံဖူးကြမှာပါ။ လူတွေရဲ့ စိတ်နေသဘောထားတွေ၊ အားပြိုင်မှု (Power Dynamics) တွေက ဘယ်လို အလုပ်လုပ်သလဲဆိုတာကို နားမလည်ရင် ကိုယ်က အမြဲတမ်း အနစ်နာခံနေရမှာပါ။
Robert Greene ရဲ့ “The 48 Laws of Power” ကတော့ သမိုင်းတစ်လျှောက်က ခေါင်းဆောင်တွေ၊ ဩဇာတိက္ကမ ကြီးမားသူတွေရဲ့ နည်းဗျူဟာတွေကို လေ့လာပြီး လူတွေရဲ့ သဘောသဘာဝကို အရှိကိုအရှိတိုင်း အကာအကွယ်မဲ့ ချပြထားတဲ့ စာအုပ်ပါ။ ဒီစာအုပ်ဖတ်ပြီးရင် လူတွေ ဘာကြောင့် ဒီလိုပြုမူကြသလဲဆိုတာကို ပိုမြင်လာမယ်၊ ကိုယ့်ကိုယ်ကိုယ် ဘယ်လို ကာကွယ်ရမလဲဆိုတာနဲ့ ကိုယ့်ရဲ့ ဩဇာလွှမ်းမိုးမှုကို ဘယ်လို တည်ဆောက်ရမလဲ ဆိုတာတွေကို ထောင့်စုံကနေ မြင်လာပါလိမ့်မယ်။
- စာရေးသူ: Robert Greene
- စျေးနှုန်း: 99,000 MMK
- ဝယ်ယူရန်: Website တွင် အလွယ်တကူ ဝယ်ယူရန်
၅။ လက်တွေ့ဘဝကနေ ခဏနားပြီး အချစ်ဇာတ်လမ်းလေးထဲ စီးမျောချင်ရင် — Red, White & Royal Blue
တစ်ခါတလေကျရင် ခေါင်းစားရတဲ့ စာအုပ်တွေ ခဏထားခဲ့ပြီး ပေါ့ပေါ့ပါးပါးနဲ့ ဖတ်ရင်း ပြုံးနေရမယ့် ဇာတ်လမ်းလေးတွေ လိုအပ်ပါတယ်။ “Red, White & Royal Blue” က အဲဒီလို ခံစားချက်မျိုး အပြည့်အဝပေးနိုင်မယ့် စာအုပ်လေးပါ။
အမေရိကန် သမ္မတရဲ့သား Alex နဲ့ ဗြိတိန်မင်းသား Henry တို့ဟာ အစကတော့ တစ်ယောက်ကို တစ်ယောက် ကြည့်မရတဲ့ ရန်သူတွေပါ။ ဒါပေမယ့် နိုင်ငံရေးအရ ဟန်ဆောင်ပန်ဆောင် ရင်းနှီးပြရာကနေ မထင်မှတ်ဘဲ တကယ့် သံယောဇဉ်တွေ ဖြစ်လာတဲ့အခါ... Enemies-to-lovers ဇာတ်လမ်းသွားလေးဖြစ်ပြီး၊ ဇာတ်ကောင်တွေကြားက အပြန်အလှန် စကားနိုင်လုကြတာလေးတွေ၊ နောက်ပိုင်း ရင်ခုန်စရာ ကောင်းလာတာလေးတွေက ဖတ်ရတာ လုံးဝ မပျင်းစေရပါဘူး။
- စာရေးသူ: Casey McQuiston
- စျေးနှုန်း: 123,000 MMK
- ဝယ်ယူရန်: Website တွင် အလွယ်တကူ ဝယ်ယူရန်
သင်ရော ဘယ်စာအုပ်ကို စဖတ်ဖို့ ရွေးချယ်လိုက်ပြီလဲ?
ကိုယ့်အတွက် လိုအပ်နေတဲ့ စာအုပ်ကို တွေ့ပြီဆိုရင်တော့ U Book Educations ရဲ့ Website ကနေတစ်ဆင့် အလွယ်တကူ ဝင်ရောက်မှာယူနိုင်သလို၊ Messenger ကနေလည်း ဆက်သွယ်မေးမြန်း ဝယ်ယူနိုင်ပါတယ်နော်။ စာဖတ်ခြင်းနဲ့အတူ ပိုမိုကောင်းမွန်တဲ့ ဘဝကို တည်ဆောက်နိုင်ကြပါစေ။





